超蓮豹紋絲巾贈賭王

何超蓮與男友Jeremy經常出雙入對，昨午五時許，二人又手拖手於銅鑼灣拍拖行街。背心熱褲上陣的超蓮心情大靚，與男友先往名店LV選購豹紋絲巾，作為贈予賭王何鴻燊的父親節禮物。其後超蓮與男友又到兩間戲院，但左揀右揀下，最終亦揀不到心水電影，遂步往附近店舖購買珍珠奶茶解渴。

超蓮被問及如何與賭王慶祝父親節時，她說：「我會同爹哋一齊食飯，因為佢好貪靚，所以我已經買咗條豹紋絲巾送畀佢，我仲會親手整啲小禮物畀佢添。（男友送咩畀賭王？）冇呀。」超蓮亦透露沒有預備禮物送給男友的父親。

另外，超蓮姊姊何超儀亦表示，每年父親節會親自設計一個蛋糕，然後拿去餅店焗製送給父親品嘗。