陳靜除衫通屋走
自爆被電話性騷擾的「百果園咪神」陳靜（DaDa）表示為防狼而學詠春，又自言平日是個密實姑娘，但在家就會解除束縛赤裸裸，認真矛盾！
陳靜和李莉琳（Liz）昨日出席新太陽廣場舉行的端午節活動，DaDa繼續大晒事業線，問到自電話騷擾事件後出街會否擔心？她即說：「我星期五開始學詠春！（為呢件事？）其實之前公司都有安排，我哋成日返內地做嘢，學詠春都好，將來再拍《葉問》，要試鏡都機會大啲嘛！（太性感覺得危險？）我喺安全情況下先性感，平時我好密實o架！（拍拖呢？）拍拖都會密實，除非喺屋企就會着得性感甚至唔着！」
Liz遭性騷擾
DaDa又自言是正義之士，試過在地鐵目睹印傭被胸襲，她即時喝止色狼；而同場的Liz則自爆曾被性騷擾，她說：「嗰次着住吊帶背心去試鏡，突然有個男人喺我耳邊吹氣，跟住就感覺到背後有嘢頂住，（咩嚟？）我諗係器官囉！」
文：名人組