(4)文凱玲肚痛搶先冧

十五位候選佳麗昨穿上印度服飾，先與馬國明、羅仲謙到名勝印度門拍攝，大會安排了數名軍警隨團保護，拍攝過程順利。及後眾人再到香水店試調製香水，玩得不亦樂乎。

經過兩日在炎熱天氣下工作，部分佳麗明顯跌watt，有人皮膚敏感，有人生了不少粒粒，其中年紀最大的(4)文凱玲食了防痢疾藥後肚痛：「可能因為空肚食，之後飽肚食已經冇事，不過有次太熱忍不住飲凍水又肚痛，依家我會帶熱水出嚟開暖溫水飲，平時再食清淡啲。」

捱餓備戰泳裝

另(7)何樂翩頸部有敏感紅印及起粒粒，被問到是否因辛苦而引發時，她說：「唔係，今個旅程好開心唔辛苦，我喺悉尼讀書返香港參選，係香港空氣差搞到皮膚敏感。」而(6)林碧珍的皮膚保養得不錯，她慶幸每晚只睡兩、三小時也未曾「爆瘡」，談到今天拍泳裝，林碧珍笑言很緊張，故前一晚會不吃飯來減肥。