劉欣宜上山下水浴血寫真戰
「o靚模」新一輯「浴」照全面曝光，眾美少女為求一露成名，不惜上山下海，全程屈身拍「事業線」寫真集外，更齊齊跳入浴缸玩濕身誘惑，尤以E Cup Baby（劉欣宜）的「浴」照最出位。
寫真「浴」搏戰陸續有來，E Cup Baby、楊梓瑤（Carol）、「新八模」的Mia（陳靜儀）及Hazel（徐熙素），均「橋唔怕撞」，齊齊出浴。當中E Cup Baby穿上三點式泳衣外加白恤衫，屈身不足五呎的浴缸內擺甫士，令肢體呈L形外，又爬起身扮狗仔露出四吋長「事業線」。
Carol泡淹暴乳
相反Mia及Hazel就輕鬆得多，只要浸在寬闊的按摩缸內，濕身透視擺出誘人的甫士及表情就收工，而Carol則最「保守」，煞食32D暴乳全被泡泡淹沒。
E Cup Baby大呻拍這輯「盆景相」好辛苦：「個缸好細，根本冇活動空間，有啲甫士要工作人員幫我屈手屈腳先做到，我影完後，有癱咗嘅感覺。」而她最滿意的卻是另一輯泳衣照，並以震撼來形容效果。E Cup Baby拍攝泳裝照時撞正月事，令她甚感尷尬，她笑說：「我要助手每兩粒鐘提我換『子彈』（衞生棉條）。」
拒絕兩女同浴
說到眾模都拍出浴照，她說：「橋唔怕撞，最緊要靚，我覺得Jessica C.嗰輯好靚，但我唔會影兩個女仔攬埋一齊嘅相囉。」不過她否認暗寸A.Lin及DaDa Lo的沖涼相。
Mia及Hazel就話拍沖涼相時最怕觸電，因身邊滿布大燈，她們又說不怕撞浸浴橋，因沖涼是各有各沖。
採訪：音樂組