郭秀雲唔妥Mia擺錢老太上枱

錢小豪與郭秀雲的十九歲兒子錢景峰，自從公開與現年廿一歲的新八模潮媽Mia拍拖後，有傳郭秀雲不喜歡Mia，對「姊弟戀」大表反對。前晚Mia和錢景峰各自在Facebook和微博公告分手，昨日郭秀雲表示不會主動聯絡兒子，但稱兒子每日也會致電給她。

郭秀雲首度開腔回應：「由頭到尾都唔需要重視呢段關係，佢呢個年紀拍拖當識多個朋友，多啲見識，到將來適婚年齡就會搵到適合對象。（囝囝好傷心？）佢為人感情豐富，愛一個人好深，好重情，都係好事。我係佢阿媽，會好錫佢。不過佢唔夠成熟，好彩好多嘢佢都會同我傾，佢哋分手可能因為外界畀唔少壓力，試過有人email好多好誇張嘅問題畀佢。之前佢大考，電話校震機，考緊試電話不停震，令佢好困擾，好彩大考成績理想。」

受傷才知危險

郭秀雲表示不清楚兒子與Mia是否愛得很深，她說：「可能一個東一個西啦。（外界揣測佢哋分手，係因為你唔鍾意Mia！）從來唔會畀意見影響個仔。唔覺得Mia好差，對佢印象冇乜特別，見過面但唔熟。Mia有自己優點，好勤力好努力，複唔複雜唔代表佢唔想做好自己。」

但郭秀雲又以玩火作比喻，指小孩才會聽大人說火是很危險，但對十幾歲的青年來說，要試過受傷才會知曉，不過她否認暗示兒子與Mia拍拖是玩火。她又指兒子識女友是受賀爾蒙影響，雖對Mia印象無甚感覺，但對兒子另一前女友印象甚佳。她強調沒有反對兒子拍拖，但指嫲嫲（錢小豪母親）不滿孫兒拍拖：「嫲嫲有同我講過，話對囝囝拍拖有少少唔開心，我反過來安慰，話佢仲細，畀佢拍下啦。」

不過錢小豪和錢景峰有另一個版本。記者致電詢問錢小豪時，剛巧他與母親正在歎茶。問到錢母是否不滿孫兒與Mia拍拖？錢小豪即代母澄清：「佢冇唔鍾意，係個女人（郭秀雲）亂噏！佢唔鍾意咋，唔好話我哋啦！唔緊要啦，一直我都支持個仔，咁大個拍拖又唔係乜嘢。」他又指分手是兩人選擇，不覺可不可惜，笑言會借耳朵給兒子傾訴。

Mia與錢景峰再見亦是朋友，保持聯絡。（資料圖片）

錢小豪（右）揚言與母親（中）均沒有反對兒子與Mia拍拖。（資料圖片）

錢景峰護舊愛

身在LA讀書的錢景峰，昨日亦表示曾帶Mia給嫲嫲過目，當時嫲嫲還很喜歡Mia，但可能嫲嫲後期受負面報道影響亦不定。他又稱不清楚母親喜不喜歡Mia：「佢係大女人，較開放，可能媽咪都有佢自己嘅壓力，呢啲你問番佢。」他稱每天也會與Mia聯絡，又稱Mia外表堅強，但體弱多病。當他得悉Mia昨晚入院，即叫記者不要騷擾，言談間仍很關心對方。

另外，錢景峰前晚凌晨正發燒臥病在床，回應分手時說：「外界壓力當然有，但唔係呢個原因，唔係第三者，亦唔係性格不合，咩原因就唔講。（有冇同媽咪講？）我好少同媽咪講戀情，我哋都成半年冇見，我喺美國。（會唔會復合？）將來嘅事冇人知。」

文：名人組