(11)李文煊Hot爆零雀躍
【陳永峯印度直擊】十五位港姐佳麗於印度拍攝外景，期間引來不少當地男士圍觀，由於氣溫達攝氏四十多度，佳麗們不禁大呻很曬，而羅仲謙則獲馬國明教路瞄女，還表示愈看愈有味道！
香港小姐十五位佳麗已展開印度外景拍攝工作，她們昨日隨大隊前往新德里名勝紅堡及甘地墓拍攝大頭特寫，雖然過程不算辛苦，但在四十多度高溫下，眾女香汗淋漓。為入鄉隨俗，她們更穿着具民族特色圖案的衣服，雖性感欠奉，但足以吸引當地男士駐足圍觀。
搭飛機水腫
「密實湯唯」(11)李文煊坦言天氣熱得令人叫苦，過往她去過最熱的泰國也沒如此難捱，令出發前大表興奮的她即時改口：「嚟到都冇咁多energy雀躍，太熱嘞！不過印度畀我預期中乾淨，巿面上冇乜垃圾桶，但唔算污糟，（有否水土不服？）冇，但有啲女仔食咗啲『瘧疾』藥唔舒服。」而(15)張秀文之前爆瘡，她表示因不適應化妝所致，現時已有好轉，說到其眼袋，她說：「可能搭飛機影響，有啲水腫。」
馬明教睇女
擔任嘉賓的羅仲謙自言只記到佳麗英文名，由於Hello Kitty關係，印象最深都是Kitty（(14)李俍嬿），他又爆馬國明教路如何睇女：「我哋覺得質素平均，馬明（馬國明）以前都做過嘉賓，佢話遲啲會愈睇愈有味道。」