古仔遭阿澤笠頭險焗死

好戲之人古天樂與杜汶澤在英皇電影《鎗王之王》有不少生死肉搏場面，其中一幕阿澤更會用膠袋套住古仔的頭，企圖焗死古仔，不過由於阿澤太過投入，令到古仔真的險被焗暈，可謂險象環生。古仔事後直指阿澤力大無窮：「想也想不到他人仔細細可以咁大力！」從照片所見，阿澤拍攝企圖焗死古仔的場口時表情相當兇狠，而古仔雖被膠袋蒙頭，但他以手拚命抓住窗簾的一幕亦足以演繹出當時的痛苦，阿澤與古仔果然好戲！

唔敢反抗

雖然古仔拍戲時險遭阿澤焗暈，但他仍盛讚對方好戲兼投入：「我知道佢只係想拍出真實感，所以我都唔敢有任何反抗。當演員咁投入嘅時候，如果因為自己（辛苦）而要叫停，真係唔太專業。」

蔡卓妍在戲中與古仔有不少對手戲。

古仔直認拍攝這場戲份時差點遭阿澤用膠袋焗死。

拍完勁

至於阿澤則笑稱古仔才是最大力的一位：「拍之前都冇諗過會令古仔受傷，佢至少高我一個頭，我點都唔會令佢受傷啦！其實古仔係一個天生神力嘅演員，我記得有場戲講我哋要動武，拍完返屋企攰到不得了，可想而知佢有幾大力！」

文：影視組