Donut三點式泡泡謝甩迷
以Rainbow為首的女子組合Donut其中兩名成員Irene與Ar Yu，昨日為富士通電腦擔任模特兒，二人穿上性感小背心及熱褲上陣。對於寫真集衝破八千本，Irene稱公司會安排與fans搞「抱抱」會慶祝，她們還考慮以比堅尼現身，問她不怕被鹹豬手時，Irene才澄清：「我哋嘅抱抱會其實係吹泡泡咁解，唔係真係抱。」
對於周秀娜表示不認識她們，Irene不以為意：「佢唔識唔緊要，最重要係客同fans識，佢哋先係我哋米飯班主，唔一定要某某人識。」Ar Yu亦坦言：「各有各做，唔在意人哋點講。」問到若與周秀娜同場，會否作自我介紹，Irene毫不留情地說：「冇必要，如果佢同我哋打招呼咪會囉。（會唔會送寫真集畀對方？）佢想要嘅，可以問我哋公司攞。（你會唔會有興趣睇佢寫真？）唔考慮，如果佢送都會睇。」