戴庚玲龍情十日

相處開心舒服

日前Janine於又一城接受本報專訪時，談到跟Juno何時正式拍拖，她即展露燦爛笑容說：「到今日啱啱拍咗大約兩個禮拜咋！（Juno咁快就公開，覺得佢好愛護你？）都幾開心，覺得佢真係好尊重我，好感動。拍MV時大家係朋友，間中會見面，直至個多月前大家先開始，正式拍拖就係大約兩星期前。」

問到Juno如何展開追求攻勢，她說：「冇話做過啲咩，大家相處得開心同舒服，兩個人最重要係溝通到，共同話題都係電影同音樂。」

麥浚龍火速公開戀情，令女友十分感動。

麥浚龍與戴庚玲發展了僅兩個星期左右。

不過問舊緋聞

Janine說這是她第四段戀愛，對於男友是公眾人物，會否感到有壓力？她說：「暫時未feel到，始終拍咗兩星期。我哋拍拖都係同平常人一樣行街睇戲。（八卦Juno同阿嬌嘅緋聞？）唔需要，從來都冇問，唔會傾到呢啲。」

入行六年的Janine，是公司十大最賺錢的模特兒之一，她自爆家人曾有微言，想她找份安穩的工作，她笑言會考慮當補習天后。原來Janine的夢想工作是研究鯊魚，她自小已覺得鯊魚好靚，並已戒翅多年，並希望大家知道不吃魚翅，就等於拯救牠們。

文：名人組