梁漢文唔畀睇波寧失婚

Edmond昨日以「不賭足球大使」身份，聯同明星足球隊成員黃日華、張兆輝、洪天明、吳家樂等出席活動。「球癡」Edmond提起世界盃自然興奮，問到老婆Karen有否投訴他只顧睇波？Edmond說：「好多女士會話今個月係『寡婦月』，不過太太冇投訴，結婚嗰陣講明架啦，佢問我如果唔畀我睇波踢波會唔會同佢結婚，我咪話唔會囉，哈！」

曾沉迷賭波

為宣揚「睇波不賭波」訊息，Edmond自爆曾沉迷賭波，但已經戒掉這陋習。他說：「本身已經鍾意睇波，如果賭埋就會連原本唔留意嘅場次都睇埋，屋企成日開住個足球台，會搞到另一半好悶。所以為家庭着想就決定戒賭波，最多同許志安估波玩吓。」

另外，前晚洪天明與女友周家蔚、劉俐等出席無綫的《世界盃動起來》。天明表示不清楚前度女友Lilian捲入曾國祥的多角戀，他說：「呢啲嘢佢兩個先知。（覺唔覺得Lilian唔開心？）唔知。」

洪天明（右）落場大展腳法，有板有眼。

洪天明前晚與周家蔚拍拖出席無綫節目。

文：音樂組