Stephy 35歲前為小方傳宗接代
昨日鄧麗欣（Stephy）穿上球衣、短牛仔褲出席世界盃活動。提到早前緋聞男友方力申否認與她結婚及同居，Stephy謂：「梗係唔係啦！只係我屋企冇車位，佢畀個車位我用，佢好心。」
有傳小方緊張生仔多過結婚，Stephy大表認同：「我都有少少咁諗，我結婚都係為生BB。」Stephy坦言理想「生仔期」是三十五歲前，現時言之過早。雷頌德又指兩人所生的一定是靚B，她即連聲多謝。
否認被人「照顧」
Stephy又否認在酒店傾婚事，其實當日約了一位邀她做模特兒的畫家見面。問到小方有否提議兩人一齊做模特兒？Stephy笑言小方可能私下有想過。Stephy自爆有朋友誤信她結婚，竟致電酒店查詢。
另外，早前有大陸雜誌錯誤報道Stephy的疑似裸照，她所屬的金牌大風娛樂有限公司發聲明，指該雜誌已發出道歉信及聲明，Stephy接受道歉，但不希望類似事件再發生在她及其他藝人身上。有報道又指Stephy得中年男人「照顧」，買入七百萬豪宅。Stephy在微博回應：「錢是努力賺回來，甚麼大中小坑我不懂，不要把正常的投資寫成鬼故事般可怕。」
文：音樂組