阿嬌宣傳《前度》拒談前度
鍾欣桐（阿嬌）、杜宇航、陳嘉桓及伍允龍等昨日宣傳電視節目《功夫傳奇》，已習詠春一年的阿嬌謂：「最近忙住拍戲、拍劇同錄音，都冇時間學，不過嚟緊會返內地拍電視劇，都有武打成分㗎！」對於前緋聞男友麥浚龍的新戀情，阿嬌笑言雖然正值英皇電影《前度》的宣傳期，但不想再講有關前度緋聞男友的事：「我唔八卦㗎，我重申重申再重申我冇留意呢啲新聞。」
對於被指夢見前度男友，她指是美麗的誤會：「我係喺微博幫個朋友解夢啫，因為我成日發夢，所以買咗本解夢書。（心煩意亂所以發夢？）以前冇咁多，呢一年又拍劇又拍戲都係壓力嚟嘅。」
