學友照咀妻女冇避忌
張學友自一家患腸病毒後昨日首次會見傳媒，他表示一家人已完全康復。學友表示當看到自己與家人患病的消息登上港聞版時也嚇了一跳，因此收到很多朋友的慰問電話，他謂自己是最後一個患病的：「最先係細女，跟住到大女、太太、媽咪同我。（學校有冇停課？）冇喎，其實我自己覺得冇感冒咁嚴重，不過嚴唔嚴重應該係衞生署決定。（醫生話愈乾淨就愈容易病？）所以我咪最後先病囉，因為我污糟嘛！」
那會否暫停和太太及囡囡咀嘴？他笑說：「冇辦法避免喎，呢啲係正常親子活動。」他又透露父親節細女已率先送上親筆畫給他，更寫上I Love You字句，他笑說：「我咪回應always（經常）囉！」