超儀寸妹妹叫座火藥味濃
向來敢言的何超儀早前接受訪問，直指三四房女兒到醫院「探望」父親乃博見報，引來三太長女超雲反擊她為電影博宣傳。不過火爆超儀未有因此收火，繼續暗寸幾位何家淑女叫好叫座，火藥味依然濃烈。
昨日何超儀出席「尋香記」古董香水瓶展覽之傳媒預展暨揭幕儀式，既是音樂人也是收藏家的高世章，吸引不少名人明星捧場，包括白雪仙、葉德嫻及鄭欣宜等。
超儀透露她有份主演的舞台劇《情話紫釵》將於九月在世博演出，問到會否擔心重演韓國組合Super Junior的混亂情況？她說：「我諗我哋啲fans應該會冷靜啲，可能佢啲fans諗住係演唱會，所以可以玩得瘋狂啲囉！（會唔會帶父親何鴻燊去？）依家連SMAP都話要取消，我爹哋仲出名過佢哋，唔會囉！」
超儀透露已兩周沒探望父親，不怕被指不孝嗎？她即有骨地說：「在心中囉。（有冇留意超雲對你評論嘅回應？）我唔理㗎，講完就算。（你家姐話同其他妹妹感情都唔錯喎！）咁我都覺得唔錯呀！」對於超盈謂很以她為榮，更希望有個影后姐姐，超儀笑說：「好多謝佢，咁我其實都好proud of我哋屋企幾個何家淑女囉，個個都獨當一面，咁有叫座力，每次出巡都有記者追訪，仲肯定有半版篇幅，真係勁！」似有弦外之音。
陳寶珠見大寶法王
而同場的陳寶珠則透露早前到印度找大寶法王為母親祈福，然而喪母之痛仍未平復：「始終係同媽咪一齊住，有時喺屋企靜落嚟就會想起，不過我都有夢見過媽咪，夢到佢好高貴咁坐喺度同我微笑，我相信佢依家應該好平靜同開心。」
採訪：名人組