嘉穎撐杏兒夠穩陣

胡杏兒、鄭嘉穎昨日於深水埗為劇集《怒火街頭》拍攝，劇情講述飾演律師的嘉穎被逮捕，杏兒送他上車，杏兒喊之餘，更與嘉穎熱吻。由於杏兒前晚於《超級巨聲進軍紅館演唱會》中被指走音，昨提及此事時，杏兒坦言很不開心及無奈，並謂自己已即時在微博上留言宣洩！杏兒表示：「我覺得唔係差到話走音囉！唔開心焦點落喺自己度，可能呢個係搶眼標題，但一句說話會抹殺好多嘢！」記者再問杏兒有否走音時，她即謂：「我唔可以話我hundred percent perfect，唔係想搵藉口話自己冇走音。」

成為驚弓之鳥

杏兒又指擔心事件影響日後工作：「好多人會覺得你哋個個出碟唔認真，其實唔係！我唔想令唱片公司失望。」杏兒又表示現時已成驚弓之鳥，每次看到有關自己的新聞都會害怕。至於拍檔嘉穎，則力撐杏兒向來認真兼穩陣：「我喺紅館聽過N咁多個演唱會，好多歌手都走過音，人一定有錯，唔係機器，我聽過香港最top歌手嘅紅館騷都有走音情況。」當記者追問是否指張學友時，嘉穎急忙澄清謂：「你哋唔好話我講學友，我冇開名。」

（資料圖片）

鄭嘉穎讚杏兒向來認真又穩陣。

千字文吐苦水

另記者在杏兒微博中發現她昨日一早以千字文大吐苦水，內容主要指自己很想哭，並謂雖然入行十一年，但仍不是所有事都能看化。她又指不介意遭人嘲笑身材扁平，但因很喜歡唱歌，故很在意關於她唱歌的報道。杏兒在微博中寫道：「就如狄娜姐姐所說，筆可殺人，昨天做了巨聲演唱會，今天也是懷着緊張的心情去看報道，看完後真的不知是意想不到還是意料之內。」雖然杏兒大感失意，但幸好其圈中好友佘詩曼、伍詠薇及陳法拉等紛紛留言支持，令杏兒很感動。

劇情講述嘉穎被捕，杏兒送他上車，其後二人更來一個熱吻。

放大圖片

文：影視組