Ivy飛曾國祥轉性黐Liz

曾國祥的多角戀風波持續，A. Lin（裴殷）繼續隔空狂轟曾國祥，不過另一女主角Ivy（蔡瑩瑩）卻全身而退，前日不但在微博中以「難得的午睡」報喜，昨午還相約好姊妹Liz（李莉琳）外出。兩女分外老友，去年已傳出斷背，昨日她們親密地在旺角翹手行街，Ivy似乎被多角戀嚇怕而轉「性」。Ivy化悲憤為食量，邊行邊食，而Liz擔心只顧醫肚的Ivy被撞到，全程搭着她的膊頭，更出手拖對方過馬路，照顧周到。

拒回應多角戀進展

問到Ivy多角戀的進展，她說：「我唔講咁多，等件事淡化。（與曾國祥關係？）雖然冇聯絡，但我哋由始至終都係朋友。（覺得A. Lin講得太多？）佢係我朋友，我唔可以代表佢講嘢。」當問及是否轉「性」時，她笑說：「梗係唔係啦，哈哈！係Liz男仔頭，我百分百鍾意男仔㗎！」

曾國祥	Liz搭着Ivy的膊頭，怕她被途人撞到。	Liz不介意Ivy看她的手機，可見十分老友。

小春未見過A. Lin

至於盛傳曾國祥帶A. Lin赴美參加陳小春的婚禮，身在無錫拍劇的小春說：「我冇見過A. Lin，嗰日淨係見到曾國祥。（清楚多角戀？）我同曾國祥熟，但男人唔講女人嘢，都係日日喺內地睇《東方日報》，先緊貼件事。」而他謂未曾見過曾國祥拍拖9年的正印女友。

文：專案組