阿姐未接通知換主持

對於有傳第二輯《荃》將由江欣燕頂替當主持，阿姐說：「你問番寫嗰個，我就未收到通知，我拍劇通告到八月完，我唔清楚第二輯係咪十月開，如果公司安排到我，一定做。（有指係網友唔鍾意，令無綫要換人。）我冇收到通知，你問番監製、ＴＶＢ。（網友偏激？）我冇理佢，嗰時我結婚都有網友鬧啦！」

阮兆祥對於有傳阿姐被飛，他說：「邊個話？唔會啦，梗要一齊做第二輯，冇阿姐點叫《荃加福祿壽》，佢嘅價值毋庸置疑，（傳由江欣燕頂上？）我冇收到通知，何況江欣燕都有嘢做。」

而黐單眼皮扮陳慧嫻的陳倩揚說：「我五、六歲就聽慧嫻啲歌，我平日image唔似識搞笑，所以心情好緊張。」

扮鬼扮馬的李思捷（左起）、王祖藍與阮兆祥。

陳倩揚黐單眼皮扮陳慧嫻。