周秀娜尋單身男雞飛狗走
周秀娜（Chrissie）與葉念琛為收集男女約會的資料，秘密殺入鬧市做直擊訪問，可惜緊張的Chrissie睇中一位男生後就直問：「你有冇女朋友呀？」嚇到對方即閃，認真趕客!
最近周秀娜與導演葉念琛將合作主持《10分試愛》真人騷，公開物色全城單身男女，為收集更多約會資料及造勢，早前二人秘密殺入鬧市，以大多數年輕人聚集的時裝店入手，由Chrissie親自採訪，葉導演操刀拍攝，直擊整個訪問過程。而被人訪問得多的Chrissie卻從未試過訪問人，她進入店舖後隨手搵個男生直問：「你好，我係周秀娜，你有冇女朋友呀？」嚇到現場的人雞飛狗走，可謂非常趕客!
自爆約會秘聞
雖然首次上陣就衰咗，但在葉念琛的教導下她又再接再厲，繼續收集途人意見。最後他們訪問了由新加坡來港旅遊的年輕旅客，他們不但大方透露關於男女約會資料，還與Chrissie、葉導演合照留念。
今次Chrissie首次主持節目，她坦言感到緊張：「自己冇主持節目經驗，又驚講嘢唔正，好彩葉導演要求唔使有經驗，輕輕鬆鬆咁同單身男女食飯講約會。」Chrissie還笑言會爆自己以往的約會秘聞。
文：專案組 攝：吳文聰