曾志偉開私竇晚晚滾
曾志偉加Ricky San再加米蘭站袋王Byron，三個愛打邊爐的男人，合力炮製自家火鍋店，日日打正旗號「去滾」，志偉笑指自己最叻「混帳（混醬）」，滾已成為生活一部分。
曾志偉直言自己愛「滾」，第一間開的食肆就是當年的「天天火鍋」，事隔多年對「邊爐」熱愛不減，最新搞作夥拍Ricky San再加米蘭站袋王Byron開設激新火鍋店，志偉說：「打邊爐最好，食乜嘢自己話事，又唔使等人齊，Ricky San貨源夠新鮮，乜嘢刁鑽食材佢都搵到，真係好嘢！至於Byron梗係負責幫間舖扮靚啦！我？最叻咪係混帳（混醬），十幾種混醬都係我搵返嚟o架！」
混醬最拿手
志偉於內地早已擁有十多間火鍋店，坦言混醬對火鍋尤其重要，他說：「打邊爐同睇戲一樣，以前好寡，淨係豉油，依家要多元化，有人鍾意麻辣、有人鍾意惹味，正如一間戲院分成好多間迷你院，大家可以揀唔同嘅喜好囉！」
搵舖開分店
三個「愛滾」的男人直言一星期難得回家食飯一次，三五知己或者一眾老友，打打邊爐最開心，新店試業兩個月已獲盡好評，現已開始找舖位開分店，志偉說：「呢行『滾友』真係多！個個都打嚟訂枱，真係做唔切！」Ricky San則表示因為旗下食肆多，貨源不成問題，再開分店亦很快上手，至於Byron由時裝界跳入飲食界，坦言有趣而刺激。
文：影視組