Jelly Girls半桶水熱捧世界盃
以性感打扮作招徠的十一人o靚模女子組合Jelly Girls，近日為啤酒品牌拍攝世界盃海報，她們穿起波衫落力擺出不同甫士，充滿活力，不過成員之一的Suyen（張莉莎）因忙於應付參選港姐而缺陣，但她仍抽空到場為眾姊妹打氣！
世界盃即將開鑼，眾女表示會抽時間觀看，Grace（嚴荔菁）雖然平日不會睇波，但每逢世界盃都相約朋友邊看邊食薯片、飲啤酒，她說：「我覺得支持世界盃就好似支持奧運咁，幾年先一次，咁難得點都要睇！」一如大部分女生一樣，她們對足球賽例都只得半桶水，大概只知道每隊有十一個球員作賽，而Uny（趙哲妤）更為今年世界盃獻上「第一次」，她說：「今年係我第一次睇世界盃，真係好緊張，依家開始學緊點睇！」
拉橫額打氣
已殺入港姐複試的Suyen無緣參與今次拍攝，但亦在放學後抽空到場打氣，對於她參選港姐，其他隊友都表示支持，Crystal（金俊婷）希望到時可現場支持，她說：「可能我哋會帶埋橫額、燈牌去，仲有送佢最鍾意嘅Hello Kitty畀佢！」她們都表示曾考慮過參選港姐，奈何一直都鼓不起勇氣，Sally（歐雪瑩）更笑說：「以後我哋可以每年都搵一個成員參加港姐，咁之後嗰十年都會有我哋嘅代表！」
文：專案組
攝：李柏儒