何佩瑜騷小蠻腰撐世界盃
o靚模寫真戰一觸即發，新八模成員之一的何佩瑜（Jeana），未出書先贏一仗，撼贏一眾模成為「Neway女」，穿上球衣拍廣告勁騷小蠻腰！
擁有42吋長腿的Jeana，近日獲Neway垂青拍攝新一輯廣告，據知廣告商曾邀請數十名o靚模試鏡，最終Jeana成功跑出，成為新一代「Neway女」，穿上球衣迎接即將開鑼的世界盃。
捱夜睇球賽
由於Jeana與「Neway嫂」諸葛梓岐有幾分相似，未知是否因此突圍，她表示亦有朋友指她似梓岐，她說：「感覺開心架，佢好靚女又有氣質，希望自己都似對方嘅事業咁好啦！」提到四年一度的世界盃即將舉行，Jeana表示會陪男友睇波，她說：「本身我支持車路士，最鍾意係林柏特，今年佢代表英格蘭參加世界盃，希望佢可以同謝拉特產生化學作用，到時捱夜都要捧場！」
欣賞劉青雲
入行大半年的Jeana，今年以新八模兵團身份加入寫真戰，她坦言感到壓力大，她說：「因為行內人好大競爭，自己會盡力，如果自己唔付出，原封不動嘅話，就會畀人覺得冇進步。」問到她最欣賞的男藝人，她大讚對劉青雲好有Feel，她說：「睇佢演戲會好投入，我鍾意搞笑嘅男仔，外表唔重要，最緊要有幽默感。」
何佩瑜Profile：
英文名：Jeana
年齡：21歲
三圍：34C、24、34
身高：5呎8吋
文：專案組
攝：司徒國榮