劉欣宜爆乳羅拉攻陷書展

一年一度書展又到，眾o靚模亦準備就緒在書展推出寫真，乘機狂谷人氣兼賺一筆，李蘊甫踏入成人階段即拍攝首本寫真為自己留作紀念，她透露上月到內地一間大型酒店取景，拍攝場景包括泳池、梳化、廚房及廁所等，而最性感一輯則是身穿一襲超Deep V露背晚裝裙，李蘊手舞足蹈表示：「張相係我坐喺塊鏡面前扮化妝，個效果出嚟好靚，咁大個女未試過咁性感，真係好噴血！」雖然今次拍攝幾乎超越個人性感底線，但李蘊一於豁出去，務求將自己最美一刻呈現大家眼前。

逼爆效果唔靠墊

至於E Cup Baby的寫真大部分在船上及海裏拍攝，其中的「羅拉」造型更獲得李蘊公開力讚，E Cup Baby笑笑口說：「羅拉造型嘅背心已經冇墊pad，但着上身好誇張，造型加埋甫士好誘人！」然而拍攝落海部分時因撞正「月事」，為了不阻礙拍攝進度，E Cup Baby惟有硬着頭皮堅持落海，她說：「我咪用棉條囉，但感覺好唔舒服又怪怪地，好驚條棉條會漂出嚟，加上海上又有疑似『米田共』，真係愈影愈驚！」E Cup Baby透露其他超性感照包括真空上陣的內衣照，實行電暈一眾男fans。

另外，一代性感女神周秀娜去年在書展中撼贏眾o靚模成功突圍，問李蘊及E Cup Baby今年是否視對方為勁敵？兩人異口同聲表示：「唔會，大家本寫真嘅風格都唔同，我哋會互相支持同欣賞大家嘅作品！」

李蘊挑戰性感底線，直言處女寫真集令人噴血。

李蘊與劉欣宜將於書展推出寫真。

文：音樂組 攝：黎志輝 場地：Dewar's