潮媽陳慧琳（Kelly）昨日以「A Day with Chace」為題，公開心肝椗「蝦餃仔」Chace的私房照與大家分享，Kelly表示：「佢依家10個月大喇，重26磅。」
長大不少的Chace肥嘟嘟、眼仔碌碌十分可愛，除了跟Kelly一樣擁有一頭烏黑秀髮外，就連眼眉和嘴仔亦似足Kelly，樣子跟兒時的Kelly十分相似，手長腳長的Chace亦遺傳了父母高挑的優良血統，體形像一歲半的BB。
Kelly又大爆Chace最鍾意通屋爬，所以要貼身看顧，長了七隻小牙仔的Chace已開始牙牙學語講「BB話」，Kelly興奮表示：「尋日佢第一次喺度講『BA』（爸）、『MA』（媽），之後仲講咗好多嘢，好似發表偉論咁，都唔知佢其實講緊乜，不過好開心，所以想喺呢度同你哋分享一下！」
眾所周知Kelly十分貪靚，對剪髮甚有研究的她，閒時亦會為Chace修剪髮型，而且更會親自下廚弄營養餐給愛兒品嘗，廿四孝的Kelly表示：「Chace好鍾意食生果，佢最鍾意食奇異果、香蕉同橙！」
文：音樂組