陳嘉桓習武辛苦曾萌棄念
影壇新星陳嘉桓早前參與電影《葉問前傳》，與一眾前輩洪金寶、元彪、樊少皇等合作，令其獲益良多，現年只有17歲的嘉桓，兩年前才開始練習詠春，過程間讓她吃盡苦頭，更曾有過放棄念頭。
有指練武年齡愈小愈好，這句話不無道理，故15歲才開始習武的嘉桓，筋骨柔軟度根本未能勝任，故她亦坦言辛苦到爆：「開始拉筋時真係手震腳震，本身唔係運動型，搞到師兄杜宇航都話教我係一額汗，不過既然係自己選擇，所以就用意志去克服，不過有時跟師兄一練就練4、5個鐘，真係好攰，好在適應咗就好好多。」除了詠春，嘉桓亦有學習搏擊、拳法等，為未來走打女路線作好準備。