吳嘉龍擔心跌爛千萬名錶
行騷經驗十足的吳嘉龍（Carl），日前與女模擔任腕錶拍賣會的模特兒，當他展示一隻拍賣價為六百五十萬至一千萬元的百達翡麗名錶，竟然緊張得握實名錶及喃喃自語：「唔好跌，唔好跌。」場面搞笑。
Carl事後表示：「點會唔緊張，成層豪宅咁貴呀！（你買唔買得起千萬名錶？）我要賣晒啲樓、車同所有嘢先買得起，不過如果有千萬元，我會買三個三百幾萬元嘅物業，一隻手錶成千萬元實在太貴，我戴唔起。」問可考慮買其他過百萬元的名錶？他笑言：「我都想，想買兩隻，一隻自己戴，一隻送畀阿爸（吳耀漢）。」
另，吳嘉龍昨日出席活動，期間不少女fans在場向他大叫「靚仔」及「我愛你」，更有一名女fans攬着他作狀獻吻。