鍾舒漫小時冇膽參加比賽
鍾舒漫（Sherman）早前為一個小朋友歌唱比賽擔任表演嘉賓，勾起她當年參加「新秀」比賽情景。她說：「慶幸自己參加得早，嗰時我哋一場比賽就搞掂晒，依家啲超級巨聲難好多，要一步步挑戰，又要同人進行PK戰，來自五湖四海對手乜都有，真係有一定難度。」
Sherman後悔小時候沒有膽量參加比賽，因為若當時有膽上台表演，會建立自信及經驗，不會怯場。她說：「我細個好怕醜，即使做咗歌手，出場前都難免會緊張，要慢慢克服，希望累積經驗壯大個膽。」所以Sherman將來生了小朋友，必定鼓勵子女多參與課外活動，視乎他們興趣作出安排。