HotCha不施脂粉返老還童

HotCha日前應邀跟人氣女模Jessica C.一齊行騷，令她們自信下降。她們笑言不敢偷望Jessica的「警鐘胸」，更異口同聲齊嘆：「慚愧啦！」Crystal自嘲身形不合比例，直踩自己腿短，她笑說：「上半身仲見得吓人。」

拒着平底鞋

屬於矮細一族的HotCha，平日最愛穿高踭鞋，三女表示：「要我哋着平底鞋行騷，我哋寧願着高踭鞋跳舞。」Winkie直認「愛靚唔愛命」：「着高踭鞋痛都照着㗎！」HotCha更自爆最近愛上穿高筒鞋，因為可以暗藏增高鞋墊：「真係高好多，着咗自信心都多啲，圈中好多男藝人都有着㗎！」

出道三年的HotCha，六月將推出首張新曲加精選大碟，今次封套大玩突破，她們笑說：「我哋冇身材，梗係唔係行性感。」原來唱片公司要求她們一改老積形象，回復少女清純味道，更要她們化淡妝，以近似素顏露出真面目。

Winkie最愛增高鞋墊，直認愛靚唔愛命。	Regen爆圈中很多男藝人穿增高鞋墊。	Crystal自嘲身材不合比例，只有上半身見得人。

素顏失自信

HotCha說：「公司唔畀我哋畫眼線、黐眼睫毛，最初真係唔慣，對住鏡頭都冇自信。」Winkie曾偷偷加深眼線，但即被同事發現，勒令她馬上洗清，相當搞笑。她們承認化妝會走火入魔，更會愈化愈濃，故不時提醒自己要留手。

文：音樂組