William異地學法最怕誘惑

陳偉霆（William）向公司請了一個月大假飛往美國學舞，他堅持不斷學習，全因經理人霍汶希（Mani）的一席話，他說：「當年Mani要求我要不斷進步，帶新鮮感畀歌迷，否則唔再幫我出碟。」此「教誨」讓William銘記心中，遂貼錢貼時間學舞尋求突破。

啪藥止痛

William上次學舞是兩年前的事，吸取經驗後，他認為隨行必備首選是大量止痛藥：「每日上十二個鐘堂不斷咁跳，搞到肌肉嚴重勞損，上次因為冇帶藥物每日都痛餐死，今次唔會再重複犯錯，所以帶大量鎮藥貼及止痛劑。」

除要有好的體力，William亦要訓練自制能力，他稱：「因今次有排舞師及舞蹈員五人同行，就係怕因為有伴，會心郁走去玩，上次得一個人唔會有興趣夜蒲，但呢次真係好考我嘅定力！」問他可會趁機結識洋妞？他哈哈笑：「洋妞？洋樓我就想要，依家唔諗拍拖住啦，搵錢緊要！因為我要買大屋畀阿媽同大班小動物住！」

採訪：音樂組 場地：香港酒店Cucina