蘇永康嘲安仔鹹似馬介休

許志安、梁漢文、張衞健及蘇永康昨日宣布BIG FOUR七月殺入澳門舉行首站巡迴演唱會，四子繼續尖酸刻薄互窒，康仔笑指安仔是馬介休：「馬介休特色係夠鹹嘛，大家都笑就知咩事啦！」張衞健就自爆被兄弟「出賣」：「有啲唔開心，因為我哋畀兄弟跣，有人話齊齊着西裝，點知佢自己就着到成個拿督咁！」他、安仔及梁漢文即靠在一起，被孤立的康仔尷尬解畫指以為記招在戶外進行，擔心穿西裝太熱，安仔聞言即抵死地說：「我唔接受呢個解釋囉！」至於《BIG4大四喜》被指因不夠嘉賓只能錄影十集，安仔坦言嘉賓方面確受四大唱片公司與無綫的糾紛影響，但他們心中早有名單，錄影十集絕不是問題。