大隻GiGi慘遭佳麗爆大鑊
曾參選「第一屆美酒天使大賽」之「大隻GiGi」GiGi Yan，雖未落實能否入圍今屆港姐，但連日來遭到不少讀者爆料，指她愛充有錢女，又黐名模Rosemary影相博上鏡，而昨日又再多一名與她齊齊參選「美酒」的不忿佳麗爆其大鑊，看來「滿身毒箭」的GiGi入圍機會又看低一線。
這名不願透露姓名的不忿佳麗，昨日相約記者外出，表示要爆GiGi Yan的底細，她說：「GiGi只係一名普通秘書，家住深井，並非大富人家，只屬小康之家，但愛出風頭，尤其見到名人，好似Rosemary做『美酒』評判，佢就黐到人哋實博影相想上鏡，又鍾意show off自己，一齊參選班女仔唔想畀『龍友』影相，但佢完全唔介意，不停擺甫士任影，好enjoy咁！」