甄子丹江門留手印
祖籍江門的甄子丹應邀為當地五邑歌影視明星主題公園打手印，一向愛家的他揚言要帶老婆汪詩詩及一對子女回鄉參觀。而子丹的寶貝女Jasmine原來甚有異性緣，遭母親踢爆有7名小男友，認真人細鬼大！
江門五邑盛產明星，祖籍江門的影視明星多達百多人，包括周潤發、梁朝偉、譚詠麟、曾志偉、鍾鎮濤、容祖兒、李克勤等等，當地政府籌建歌影視明星主題公園，昨日甄子丹應邀打手印，坦言透露是次活動發現不少同行都是同鄉。
子丹表示：「我係台山人，原來梁朝偉、陳豪、朱玲玲、余文樂、王喜個個都係喎！希望將來有機會帶屋企人去公園參觀吓。」而主題公園為答謝甄子丹的幫助，送出極品普洱茶答謝。據知公園將於今年竣工，面積達14000平方米，除甄子丹外，不少藝人已打下手印，永遠留名園中。
汪詩詩叫定親家
另外，子丹太太汪詩詩昨日出席「Fiona's Prince童鞋專門店」開幕，踢爆女兒Jasmine非常貪靚，經常偷她的高跟鞋來穿，又自認有七個男友。詩詩笑指女兒最喜愛呂良偉的兒子Ryan，她謂：「Ryan都當Jasmine係女朋友，有次小娟（呂良偉太太）過嚟澳門搵我哋玩，小娟叫人快啲，點知Ryan竟然話你心急乜嘢？我見我女朋友未心急啦。Ryan平時脾氣會大啲，但對住我個女就成個溫柔晒，所以小娟都成日講笑叫我親家。」至於同場的姚嘉妮透露13個月大的女兒剛學會走路，但就投訴女兒只肯跟老公咀嘴。
文：影視組