蒙嘉慧彈港教育制度拒生仔
蒙嘉慧（Yoyo）、楊愛瑾（Miki）及新canon女Paula T.等昨日出席精品旗艦店的活動，早前有消息指Yoyo跟男朋友鄭伊健已有計劃結婚，但就協議了不會生小朋友，對於有此消息，Yoyo表示：「冇呢件事。（伊健話有Plan過喎！）我哋通常做完訪問就算，唔會問番對方。」
再問到Yoyo是否不會生小朋友？她坦言：「其實傾過，對我哋嚟講係有啲難，除非香港教育制度簡單啲啦，依家啲小朋友好辛苦。」她又直言沒有傾過婚期，但最起碼要一年之後。
至於Miki則表示正物色一個大的首飾盒，因為自己非常大頭蝦，常不見首飾：「有一次戴隻半卡嘅耳環開工，除低咗唔記得拎走，嗰日仲要係第一日戴！耳環係以前男朋友送嘅，唔見咗都唔敢同佢講！」