DJ點聽？點睇？

Vani：佢唱呢首歌高音時好辛苦，佢上星期同我講過，錄音時哮喘發作，狀態唔好，錄咗四日，其實首歌水準係好，只係佢不在狀態。（走音？）冇，如果有走音都唔收貨，只係唱高音有啲吃力，喉嚨收緊。（佢有冇唔開心？）覺得無奈，力不從心。（佢收番首歌？）冇聽過，叫咗佢調理好身體，休息好啲再錄過。

余宜發：我播過首歌，覺得營造華星年代嘅佢。（佢唱成點？）確有好多朋友話唔係咁好，我第一次聽時都覺得有走音，但覺得佢係刻意，因為第一段高音位係有啲，但第二段又冇喎，所以說服自己唔係走音，況且佢都派得上台出晒街。（佢都唔滿意狀態，打算錄過。）吓！真架？仲以為佢刻意添。

葉文輝：首歌幾好聽，每次佢有新歌都好期待歌名同歌詞，因為佢啲歌好中時下年輕人口味。（有冇覺得佢唱到走音？）冇喎，唔差，算係咁，一貫千嬅粉絲都會鍾意嘅歌，首歌係佢加盟華星頭炮，好有感覺，我幾欣賞。