杜汶澤遭爆樽血漿入眼
杜汶澤早前客串任監製的英皇電影《前度》，飾演多多說話的醫生。阿澤笑言︰「呢套唔單止係愛情片，仲有動作元素喺入面。阿嬌負責談情說愛，而我則負責動作場面。不過冇飛車跳樓，只係我被爆樽囉。」
原來阿澤為電影不惜親身演出一場被蠱惑仔「爆樽」戲份，雖然該樽只是電影專用的特製玻璃樽，但為了效果逼真，阿澤事前已跟對手要求出盡力打下去，結果碎片飛濺到他的臉上，假血漿亦流入他的眼睛，令他不停流眼水。
另外，《前》片導演麥曦茵昨日出席講座時表示：「阿澤知我將同佢嘅現實對話寫落套戲度，佢話：『你好大膽！』後尾要刪戲，佢又反對刪呢場，好多謝佢畀好多機會我。」