Baby上京反菲復明
潮模Angelababy跟內地小生黃曉明的緋聞疑幻似真，早前更傳出因曉明舊愛介入而分手，但日前Baby應邀擔任曉明新歌ＭＶ女主角，復合之餘，更奉旨談情，將戀情明朗化。
Baby上周六專程到北京擔任緋聞男友曉明的《受不了》ＭＶ女主角，ＭＶ中的曉明、Baby分別飾演攝影師及模特兒，全片盡是名車名酒及名貴鑽飾，如最新款的白色林寶堅尼、天梭名錶、周大福鑽飾及Lafite紅酒等，不過在曉明心中，最珍貴還是女主角Baby，當日他們更對足八小時。
經理人監場
由於之前傳出男方翻撻內地女星李菲兒致二人分手，Baby昨接受電話訪問時說：「今次係唱片公司邀請，度到期咪去囉，（寓工作於拍拖？）唔係，工作就係工作，（有冇親熱鏡頭、錫面？）都冇，阿媽（經理人阿Kim）喺度，更加冇感情交流啦，導演叫我做乜咪做乜囉，（介唔介意合作拍戲？）只要有適合嘅角色都會考慮，其實我可以同好多人合作嘅。」至於是否借拍ＭＶ復合？阿Kim表示不理會Baby的私生活，最重要是不影響她的工作。
沒空撐枱腳
另外，曉明的宣傳人員劉小姐透露，拍攝當天Baby十分美艷，但因曉明完工後要趕往武漢出席活動，無暇請Baby吃消夜答謝。
文：影視組