馬浚偉吊威吔驚到腳軟
馬浚偉、郭羨妮、黃宗澤昨日為無綫新劇《隔離七日情》拍攝一場吊威吔戲，劇情講述郭羨妮、黃宗澤誤以為馬浚偉是綁匪，於是夾計追捕他，險象環生，馬浚偉表示雖然沒有畏高，但在半空拍戲感覺有點腳軟：「今次吊到最高，最慘仲要扮型，對我嚟講最有難度。」
黃宗澤透露今次是負傷上陣：「唔知係咪之前拍動作鏡頭整親，所以右腳大髀肌肉撕裂，雖然行到，但係用唔到力，醫生寫咗三個月假休息，不過手停口停，我又要養家、供車供樓、養狗，好彩未使養老婆。（杏兒有冇錫番你？）冇啦，不過佢有問候我。」
雖然郭羨妮與馬浚偉之前曾傳不和，但二人再合作冰釋前嫌，她說：「OK啦，都幾愉快。（會否進一步發展？）冇諗。」提到有傳港姐有變性人一事，她表示絕冇可能，不會相信傳聞。