阿嬌懶理Juno(界)女模
鍾欣桐（阿嬌）以七位數字酬勞成為美肌飲料產品代言人，昨日為產品拍攝平面廣告，見她身形明顯消瘦不少，與年初返內地拍劇回來「暴脹」身形有好大對比，阿嬌坦言：「當時重到115磅，依家就100磅。」瘦了可有縮胸？她笑言：「肥同瘦身材都冇影響，自己都唔想太大，可能我其他地方太多肉，瘦都係瘦嗰度先。」
阿嬌被問到可有留意近期新聞時，即言「唔八、唔睇」，對於前緋聞男友Juno（麥浚龍）承認對模特兒Janine有好感，阿嬌冷冷說：「咁咪好，呢啲唔適合依家回應，都係講番活動嘅嘢啦。（仲有冇聯絡？）冇，好少，做嘢見到咪Say Hi！」對蔡卓妍（阿Sa）外公重病入院，阿嬌表示有留言給對方，希望她外公早日康復。