祖兒補鑊擺戀事上枱

祖兒昨日與鮑起靜出席「自在人生自學計劃」第三期計劃發展啟動禮，她在台上呼籲婦女要積極增值豐富人生，又自爆母親經常鼓勵她活到老學到老。期間祖兒表示：「我都成日鼓勵媽咪，唔好因為年紀大就覺得差唔多（機器壞）……」此言一出全場笑不攏嘴，知道開口夾着脷的祖兒惟有尷尬以笑遮醜，並馬上補鑊謂：「機械壞咗都唔好停，要繼續run！」事後祖兒再澄清：「我係話就算去到一個年紀都唔好停落嚟！」

南京學針灸

然後祖兒醒目地轉話題，指沒有刻意鼓勵母親結識異性，而自己就因性格懶惰較難結識男生，她說：「我好難主動o架，性格係咁！」又自爆早前喉嚨不適跟母親到南京學針灸：「媽咪有段時間呼吸困難同唔想講嘢，所以我同媽咪一齊學，你針吓我，我針吓你咁，學完就唔使去到南京咁遠針灸！」不過事後祖兒就否認為媽咪施針，她解釋道：「講吓啫，喉嚨太多神經好敏感，驚針到死穴，所以都唔敢亂嚟！」

祖兒跟鮑姐（左）出席活動，為一眾持續進修的婦女打氣。

阿Sa因外公病重即時停工陪伴，幸獲廣告商配合。　　（資料圖片）

祝福阿Sa

另外，對於好姊妹蔡卓妍（阿Sa）在微博暗示外公得重病，祖兒坦言有私下傳訊息安慰阿Sa，她說：「我覺得佢好sad，嚇死我，祝福佢！」據悉阿Sa昨日要到內地拍廣告，幸得廣告商體諒將拍攝時間提早，令阿Sa完成拍攝後，可趕返澳門探望外公。

採訪：音樂組