梁朝偉有冇得咀矇查查
正當人人享受一個星期「大假」之時，梁朝偉仍「留守」內地還廣告債。偉仔在廣告棚內更吸引不少女士邀請合照。談起新片內的「愛人」宋慧喬，原來二人認識始於當年《2046》香港首映禮後的after party，此後不時在國際影展上碰面，故即使初次合作，亦不用擔心欠缺默契。
問到二人會否有親熱戲時，偉仔笑說：「拍到依家劇本都未有。（會唔會有？）呢樣真係唔知，到時咪會知道囉。」
張震北京練武
至於另一型男張震年來被「放逐」到北京練武，已有好一段時間未有返回台灣的他，決定趁假期返「家鄉」換裝：「之前帶去內地嘅衫全部都係冬天嘅，今次有機會返去倒晒成個篋出嚟，放番啲夏天衫入去。」外形偏瘦的他因拍戲換回一身肌肉，形象跟以往大相逕庭。據悉，新片「轉戰」廣州後，張智霖亦會加入演出，且被安排在大銀幕上一展身手，加上章子怡的亮相，令新片卡士更見人才濟濟。