James過度操肌右膊勞損

寰宇四人男子組合Square去年工作繁多，出完唱片又出寫真集。今年，成員James將主力向電影發展，為了以至Fit狀態示人，他與其他成員不斷狂做運動，希望變身「大隻佬」，以最佳狀態示人，James每日除玩四小時器械運動外，夜晚還要再打兩小時籃球，實行作地獄式訓練，體力消耗量極大，而James更因操勞過度，右邊膊頭出現勞損，早前需要作拔罐治療。

目標42吋胸

談到近期要接受地獄式訓練，James毫不介意，並謂做得運動多，人都精神了不少。他覺得再辛苦都不緊要，最重要是能夠配合工作：「若電影劇情需要嘅話，我都唔介意赤膊上陣，但首要條件要自己夠Fit，所以，我最近真係不停咁做運動，除此之外，仲食緊大隻奶粉以及每日食五隻蛋白，六舊腹肌已經練好，胸肌希望可以由39吋練到41、42吋啦。（練到右膊勞損喎？）好小事，我覺得做多咗運動，身體好咗，着衫都好睇咗。」

James每日玩四小時器械運動，兼打兩小時籃球。

成員Gray（左）、Brain同樣要接受操肌訓練。

有彭發照住

James於下月將到泰國拍攝由彭發執導的新片，問他會否擔心現時泰國政局不穩，影響人身安全，他表示：「都有啲，但係會盡量去啲安全嘅地方，同埋跟住劇組，因為彭發劇組一定好熟泰國。」

文：影視組