Butler & Wilson怪雞Bling器襲港

擁有逾四十年歷史的Butler & Wilson，由Wilson領導下成名於八十年代，獲不少名人明星擁戴，更曾先後與知名品牌Giorgio Armani和Victoria's Secret合作。今年春夏，品牌由潮店On Pedder引領下在港插旗！為壯聲勢，Wilson親自來港與傳媒和VIP作零距離接觸。以黑恤衫襯黑西褲，腳踏輕便鞋的Wilson，在領位中間佩戴親自設計的領針，實行做人肉生招牌，樸素沉實中見時尚耀眼！

不怕重複

與傳媒首次會面，Wilson循例以品牌介紹打開話匣子，再簡談其不怕重複的創作哲學：「我會繼續設計我認為特別而有趣的東西，重複同樣的設計，是可以令設計變得更漂亮！」看Wilson沿用多年的標誌性元素，如王冠、國旗、骷髏頭、紅唇和大眼，以及各種昆蟲動物的設計，無懼用色誇張，看得出他喜歡與別不同，卻予人歷久彌新的感覺，他說：「我嘅設計是獨特而又適合未來的，每一代人都適合，女兒、媽咪同埋嫲嫲都啱，你擁有我的設計後，我會同你講要保用佢、保留佢，再交畀你啲仔女。」

$3,650

$3,500

風趣幽默

VIP酒會當晚，Wilson親自招呼嘉賓，現場不少男女看到他的設計如獲至寶般，出現搶購潮，城中某男公關愈Bling愈愛，打破了Wilson所說的「我為男士設計的首飾，佢哋都唔鍾意」宿命。最後，Wilson以一貫風趣的口脗結束是次對話，他看着大會預備印有品牌經典造型照的Cupcakes即着傳媒：「你哋都拎一個，唔好食落肚，賣咗佢！」其幽默的風格也見於他的設計呢。