楊怡齋露背無懼輸凸
楊怡、林峯、馬國明、廖碧兒、沈卓盈及黃瑩等昨日到沙灘出席新劇《談情說案》宣傳活動，當中「配角一族」沈卓盈及黃瑩分別以黃色透視裝及拋胸low cut裝性感示人，搶了不少風頭，反觀兩位女主角楊怡及廖碧兒就衣着密實，十分失色。
而事後楊怡自言身穿露背裝，絕不密實，她說：「唔知今日要玩水槍濕身，不過都有打底。（今日衣着密實？）係咩？我後面都通風好涼。（淨係露背會唔會被搶鏡？）唔會，不過其他人着得咁短，喺夏天畀人涼快感覺。」身穿風褸示人的廖碧兒，對於被搶鏡表示冇所謂，她指：「今日嚟玩遊戲預咗輸，所以着定風褸擋住啲水。」此外，她又透露在劇中首次演大膽豪放角色，最大膽鏡頭是與馬國明一幕激情床戲。
唔認播劇造勢
至於林峯對於有指播映《談》劇，是為他七月個唱造勢一事，林峯說：「套劇決定出街前，都未決定搞演唱會，所以唔關事。（出劇對個唱有幫助嗎？）都會有。（同王祖藍同時間舉行個人騷？）之前喺北京做嘢撞到，我哋兩個都講笑話打對台，但唔緊要，觀眾同性質都唔同。（怕唔怕比較？）唔同，佢嗰個係talk show。（今次個唱有乜絕招？）多動感啲。」
文：影視組