陳美詩被媽咪催生B

陳美詩最近事業愛情兩得意，除公開與Eric拍拖外，最近播出的無綫新劇《掌上明珠》更首度擔演重要角色，她興奮地說：「劇中同商天娥、宣萱合演三姊妹，係我入行以嚟最重戲份嘅一次，所以每次拍攝前都做足準備工夫，好彩每位前輩都好好，所有是非都係假。」她透露戲中與陳山聰有一場床上戲，雖沒有身體接觸，但仍感尷尬，她解釋：「兩個人要扮到冇着衫，只用床單遮住重要部位（胸部），講真都有啲尷尬。但到大家睇番回帶時，我同山聰皮膚一黑一白，又覺得好好笑。」

做夫妻要啱key

蜜運中的Macy每次提起男友都笑不攏嘴，問到幾時拉埋天窗？她用肯定語氣回答：「我一定會結婚！我都係正常女仔，大家有共識。」早前Eric暗示是女追男，Macy自爆曾向對方大興問罪之師，她笑說：「我都有問過佢，佢笑吓冇回答，但呢啲梗係男仔追女仔啦！我一向唔心急拍拖，覺得同朋友一齊已經好滿足，因為我唔信一見鍾情；而同Eric亦係由朋友開始，我覺得做夫妻一定要好啱key，要搵一個可以互相分享喜悅嘅伴侶。」

陳美詩已找到個可以互相分享喜悅的伴侶。

一向怕醜的陳美詩，與山聰拍床上戲雖然沒有身體接觸，但仍覺得尷尬。

Macy直言最開心是公司沒有反對她拍拖，而媽媽亦很滿意這位未來女婿，她說：「媽咪有見過Eric，佢仲心急過我（指結婚），成日話趁佢有能力幫我湊仔就要快啲生，但呢啲急唔嚟，都要睇適當時機。」 文：專案組