朱咪咪輕鬆開唱

朱咪咪下月殺入紅館開騷，別人開騷總少不了練歌、減肥、緊張萬分，朱咪咪卻說：「使乜呀！我13歲出嚟唱歌，由細唱到大，日日都唱，每年美加、馬來西亞、內地唱幾多場自己都唔記得，使乜練呀！減肥？食少啲囉，其實都冇乜，哈哈哈……」她坦言見慣大場面，電視、電影、登台不停工作，亦沒助手幫手，平日全部一腳踢。

問到於新加坡的家人會否前來捧場？朱咪咪又是哈哈一笑：「唔嚟啦！佢哋由細聽我唱歌聽到大，大仔今年要忙入伍當兵，細仔趕住升中五。」她坦言全家早已習慣她到處飛的日子，但亦會好好安排家庭日：「大仔好鍾意安排一家人嘅活動，講番我都有10年、8年冇入戲院睇戲，所有戲都喺飛機睇，係最近阿仔安排先可以一家四口入吓戲院。」