Fiona方大同二人遊冇戀火
薛凱琪（Fiona）早前與緋聞男友方大同飛往美國登台，兩人相對半月未有增進感情，Fiona反而大讚另一緋聞男友房祖名的新專輯好聽，並有意找對方寫歌，「三角」關係令人眼花繚亂！
Fiona與方大同早前展開兩星期美國登台之旅，由於兩人分別有親戚及朋友在當地，故一有時間即各自探親友，問Fiona與方大同相對了半個月感情是否有增無減？她說：「唔係，我哋相對嘅時間唔多，一有空閒時間就去探親。（帶埋你見親友？）冇呀。」
笑扮長頸鹿
有「長頸鹿」稱號的Fiona行經一間櫥窗印有長頸鹿圖案，即抵死伸長條頸與長頸鹿合照，她又自爆行程最後一日與方大同同遊當地的環球片場，兩人不避嫌同騎電單車，男方更貼住女方背脊相當親密，可惜Fiona未有「過電」，反而大讚祖名新碟好聽，她說：「真係好聽，好多首都好好聽。」
Fiona表示有意邀對方寫歌，她說：「有諗過，不過冇開口問。」問到是否怕對方拒絕？Fiona維護說：「一直都想搵佢，但次次時間都夾唔到，一係公司就搵晒人寫，又或者佢就忙住拍戲，見佢咁忙都唔想煩住人啦。」繼續大玩曖昧！ 採訪：音樂組