王敏德澳門過富豪癮
【林淑汶澳門直擊】王敏德和馬詩慧前晚獲邀到澳門，出席澳門金沙的「億萬富豪生活享受」推廣活動，並親嘗一晚富豪生活。王敏德說抵達澳門後，即有勞斯萊斯接載，又有人廿四小時貼身服侍他們，而馬詩慧即做按摩，他則不停唱卡拉OK，他說：「好想同佢哋建議下，第日由我揸直升機，幫佢哋載啲VIP嚟澳門。」
馬詩慧又踢爆王敏德很喜歡數目字「8」，因為好想發達，她說：「可能我係辛苦命，喺香港一日忙到黑，依家嚟到冇嘢做，唔知點。」她說七月會帶長女往美國看學校，預計十月到當地讀書，雖然學費貴，但作為父母，也想子女有更好的學識和見識。