周秀娜（Chrissie）昨日身穿巴西隊球衣，以超短熱褲及露出小蠻腰出席新都城中心「2010世界足球狂熱全接觸」活動。Chrissie自爆有收藏波衫：「我呢排都會儲波衫，最鍾意阿根廷同英格蘭，球星就係巴西嘅卡卡，又好波又專一。」她又表示男朋友是超級足球迷，問到會否怕對方在世界盃期間無暇理她？Chrissie笑言：「我都冇時間理佢啦，我都要睇波嘛，不過我怕會畀人排斥，因為佢（指男友）會同我阿哥、細佬一齊睇，可能排斥咗我，呢排我忽略咗佢，到時可能輪到佢忽略番我！」
