張可頤化身龍友影籮柚
神采飛揚的張可頤（Maggie）昨日出席護膚品牌ROC發布會宣布擔任代言人，她自言從姨甥出生後，令她愛上攝影，想留下對方可愛的回憶，至於男友曾安邦也是否其model？Maggie說：「都係小朋友吸引啲，行路時個籮柚仔彈吓彈吓，真係好靚好得意。」問到是否男友的「籮柚仔」唔靚時，她只是笑而不語，然後說：「無論係女友或記者嘅鏡頭，佢都係一樣迴避。」
談起姨甥即眉飛色舞的Maggie，被問到何不快生一個來影相，她說：「我都問自己點解唔早十年生？以前認為小朋友好麻煩，依家發覺佢哋帶畀屋企生機，（先生仔後結婚？）唔得，（男友知你想生仔的心意？）冇刻意講，女性心態隨年齡改變，（暗示？）我自己有Planning，想喺我DNA仲好好狀態時，希望有下一代。（計劃今年結婚？）好難講，隨緣啦。」