祖兒慘食王允祈檸檬

祖兒昨日出席「感情品牌大獎2009-2010」頒獎禮，祖兒和蔡卓妍（阿Sa）及「萬寧妹妹」王允祈均是今屆廣告代言人的得獎者，而祖兒很感謝多年來都受廣告商垂青，但都不禁笑言「萬寧妹妹」是她勁敵，亦讚Winky很可愛。Winky母親曾說女兒較愛親近男仔，祖兒即言：「唔係呀，佢有睬我喎，可能我男仔頭，又冇佢咁靚啦！」

剛巧Winky妹妹到場，記者便要求祖兒與Winky合照，原本坐在梳化上的Winky，見到祖兒果然真的「同性相拒」更扭計要爸爸抱，令場面十分搞笑。

一聽到要與祖兒合照，王允祈即時冇Mood，成身軟晒。

放大圖片

肥嘴要咀肥嘴

另外，祖兒和阿Sa早前與林峯在北京拍戲，兩人與林峯都有咀戲，祖兒爆當時問阿Sa覺得林峯「好唔好咀？」阿Sa便做了一個「OK」手勢，祖兒又笑言：「我同阿峯係蜻蜓點水式，但Hold住咁錫成分鐘！（好耐冇拍咀戲？）對上係○四年同霆鋒拍《魂魄唔齊》啦，我嘴咁肥，留畀啲啱嘴形嘅人，王祖藍個嘴都幾肥喎。」

阿Sa穿着品牌Craver的連身裙，明艷照人。

白歆惠專程來港擔任活動嘉賓。

白歆惠撐志玲

問到阿Sa早前是否與新歡出外度假？阿Sa否認表示：「你介紹畀我呀？我係同幾個同事朋友去咗杜拜玩。」至於台灣女藝人白歆惠專程來港任頒獎嘉賓，對林志玲被評在日劇中演技浮誇，白歆惠力撐林志玲戲中表現很好，若有機會拍日劇，最想與妻夫木聰合作。

文：音樂組