莫鎮賢寸爆家強清醒啲

身為林楚麒（Gina）經理人的莫鎮賢，昨日在電話中對於家強怒插林楚麒借家駒之名宣傳，莫鎮賢句句有骨寸爆家強，他說：「大家都喺呢行咁耐，希望佢清醒少少，每次都係記者問到，Gina先講少少，支筆喺人哋度，人哋點寫我哋都控制唔到，不如佢叫記者收筆唔好寫好過啦，佢要咁細路仔咁激氣就激飽佢！」莫鎮賢繼續一輪嘴反擊：「Gina養尊處優十多年，依家復出，佢唔支持都唔好踩人，我身為Gina經理人，我好肯定話畀大家知，Gina從來都冇話自己係未亡人，邊有人會自稱自己係未亡人呀！」